Monday, March 1, 2010

ಕುಮಟೆಯ ಹನಿಗಳು

ಕುಮಟೆಯ ಕವನಗಳು..

-೧-
ಕರಿಕಾಳ ಅಮ್ಮನವರಿಗೆ
ಹರಕೆ ಹೊತ್ತ
ಆ ಹುಡುಗಿಯ
ಮನಸ್ಸಲ್ಲೇನಿದ್ದೀತು,,,
ತನಗೊಂದು ಒಳ್ಳೇ ವರ,
ಅಣ್ಣನಿಗೊಂದು ದಕ್ಕದ ಕೆಲಸ,
ತಮ್ಮನಿಗೆ ಮೆಡಿಕಲ್ಲು ಸೀಟು,
ಅಮ್ಮನ ಆಪರೇಷನ್ನಿಗೊಂದಿಷ್ಟು ದುಡ್ಡು
ಅಥವಾ
ನಮೆಯುತ್ತಾ ನರಳುತ್ತಿರುವ ಅಪ್ಪನಿಗೆ
ಮುಕ್ತಿ...

-೨-
ಮಾರಲಿಕ್ಕಿಟ್ಟ
ಬಂಗ್ಡೆ, ತಾರ್ಲಿ, ಫೇಡೆ, ಪಾಂಪ್ಲೀಟುಗಳ
ಸಾಲಲ್ಲಿ ಕುಂತ
ಒಬ್ಬ ಹರಿಕಾಂತರ ಪೋರ...

-೩-
ಅಘನಾಶಿನಿ, ಮಾಸೂರು
ಬೊಗರಿಬೈಲು, ಮುರೂರು
ಹೆಗಡೆ, ಕೂಜಳ್ಳಿ
ಬಸ್ಸುಗಳನ್ನೆಲ್ಲಾ
ಹತ್ತಿಳಿದು
ಒಂದು ಅಯ್ಸ್ ಕ್ಯಾಂಡಿಯಾದರೂ
ವ್ಯಾಪಾರವಾಗಿ
ಕಾಸು ಸಿಗಲಿ
ಎಂದು ಕಾತರಿಸುವ
ಬೊಕ್ಕೆಯೆದ್ದ ಪಾದದ
ಬರಿಗಾಲ
ಕರಿ ಹುಡುಗ...

-೪-
ಕುಟ ಕುಟಿ ಲೂನಾ ಏರಿ
ಪ್ರತಿದಿನ
ಕುಮಟೆಗೆ ಬರುವ
ಅಜ್ಜನ ಕೈ ಚೀಲದಲ್ಲಿದ್ದಿದ್ದು
ಮೊಮ್ಮಕ್ಕಳಿಗೆಂದು ಕೊಂಡ
ಲಿಂಬೆ ಹುಳಿ ಪೆಪ್ಪರಮಿಂಟು
ಮತ್ತು
ಕರಗುತ್ತಿರುವ
ಕುಮಟೆ ಸ್ಪೇಷಲ್ ಗಡಬಡ್...

-೫-
ಕಡಲ ಒಡನಾಟದಿಂದ ದೂರವಿದ್ದೂ
ಕಡಲ ಕುಮಟೆಯನ್ನೇ
ಕನಸಿಸುವ
ಕುಮಟೆಯ ಕೂಸು
ಈ ಸಾಗರಿ...

4 comments:

ಸೀತಾರಾಮ. ಕೆ. said...

nice honeys

Be Smiling..Ever..:) said...
This comment has been removed by the author.
Be Smiling..Ever..:) said...

wow.....surely good enuff to memorise the bad old days!!!.....mostidde..:)

ಸಾಗರಿ.. said...

ಸೀತಾರಮ್ ಸರ್ ಹಾಗೂ ಎವರ್ ಸ್ಮೈಲಿಂಗ್ ಅವರಿಗೂ ಧನ್ಯವಾದಗಳು.